ഖത്തറിലെ കത്തോലിക്ക കോൺഗ്രസിന്റെ ആഭിമുഖ്യത്തിലുള്ള ചാർട്ടർ ഫ്ലൈറ്റുകൾ നാട്ടിലേത്തി
കൊച്ചി : കത്തോലിക്ക കോൺഗ്രസ്‌ ഗ്ലോബൽ സമിതിയുടെ ഭാഗമായ ഖത്തർ എസ് എം സി എ യുടെ ആഭിമുഖ്യത്തിൽ രണ്ട് ചാർട്ടേർഡ് ഫ്ലൈറ്റുകൾ കേരളത്തിൽ എത്തി. ജോലി നഷ്ടപ്പെട്ടും, വിസിറ്റിംഗ് വിസയിൽ വന്നും , രോഗികളായിട്ടും കേരളത്തിലേയ്ക്കു മടങ്ങാൻ സാധിക്കാതെ ഖത്തറിൽ ദുരിതം അനുഭവിച്ചുകൊണ്ടിരുന്ന 360 ഓളം പേർക്കാണ് ഈ വിമാനങ്ങൾ തുണയായത്.
വളരെയധികം ശ്രമകരമായ ഈ ദൗത്യം വിജയകരമാക്കുവാൻ സഹായിച്ച കേന്ദ്ര സംസ്ഥാന സർക്കാരുകൾക്കും ഖത്തർ ഗവണ്മെന്റ്നും, ഖത്തറിലെ ഇന്ത്യൻ എംബസിയ്ക്കും ഈ പ്രവർത്തനത്തിന് പിന്തുണ നൽകിയ
റവ ഫാ മാത്യു, ഷെവലിയാർ ഡോ. മോഹൻ തോമസ്, കിളിയോപാട്ര ട്രാവെൽസ് എന്നിവർക്കും എസ് എം സി എ പ്രസിഡന്റ് ജോൺസൻ എലവത്തിങ്കൽ നന്ദി അറിയിച്ചു.
ബിഷപുമാരായ മാർ റാഫേൽ തട്ടിൽ, മാർ റെമിജിയോസ് ഇഞ്ചനാനിയിൽ, കത്തോലിക്ക കോൺഗ്രസ്‌ പ്രസിഡന്റ് ബിജു പറയന്നിലം തുടങ്ങിയവർ പ്രവാസി ഹെൽപ് ഡെസ്കുകൾക്ക് സഹായകം ആയി. ഖത്തർ എസ് എം സി എ സെക്രട്ടറി പി ഡി ജോർജ്, വൈസ് പ്രസിഡന്റ് ജെയ്സൺ മുറ്റിചൂർകാരൻ, ഭാരവാഹികളായ ഷാജൻ മഞ്ഞളി, ജോയ് എലവത്തിങ്കൽ , ബിനു, ആനി ജോൺസൺ, ഐവി പോൾ , വിപിൻ പോൾ ,ആന്റണി ,സെൽജോ ,രെഞ്ജിത്ത്‌ ജെറി , വിന്നി ക്ലാരൻസ് തുടങ്ങിയവരാണ് പ്രവർത്തനങ്ങൾക്കു നേതൃത്വം നൽകിയത്.